Azərbaycanlı tədqiqatçı AMEA və Monpelye Universiteti əməkdaşlığı üzrə doktoranturanın müsahibə mərhələsindən keçib
Bakı, 2 avqust, AZƏRTAC
Azərbaycanlı gənc tədqiqatçı Aytac Mürşüdzadə AMEA və Fransanın Monpelye Universiteti əməkdaşlığı çərçivəsində 2021-2022-ci il doktorantura proqramının “Malyariya parazitində kodlaşdırılmayan RNT-lərin (Ribonuklein turşusu) rolu” mövzusuna müraciət edib və müsahibədən keçib.
Bu barədə AZƏRTAC-a AMEA-dan məlumat verilib. Bildirilib ki, A.Mürşüdzadə doktorantura təhsilinin iki ilini Monpelye Universitetində, bir ilini isə AMEA-nın Molekulyar Biologiya və Biotexnologiyalar İnstitutunda oxuyaraq ikili diplomla məzun olacaq.
Qeyd edək ki, Aytac Mürşüdzadə 2020-2021-ci tədris ilində Molekulyar Biologiya və Biotexnologiyalar İnstitutunun magistraturasını ən yüksək göstərici ilə - 97 balla bitirib.
Bölmənin digər xəbərləri
