“Azərişıq”: Güclü külək bir sıra ərazilərdə elektrik enerjisinin verilişində qısamüddətli fasilələr yaradıb
Bakı, 2 mart, AZƏRTAC
Ötən gündən əsən güclü külək bir sıra ərazilərdə elektrik enerjisinin verilişində qısamüddətli fasilələr yaradıb.
Bu barədə AZƏRTAC-a “Azərişıq” ASC-nin mətbuat xidmətinin rəhbəri Tanrıverdi Mustafayev deyib.
O bildirib ki, hazırda ölkənin hər yerində elektrik enerjisinin verilişi tam bərpa olunub: “Ötən gecə güclü külək Suraxanı rayonu, Hövsan qəsəbəsinin, Abşeron rayonu, Saray qəsəbəsinin bir hissəsində, bəzi dağlıq və dağətəyi yerlərdə elektrik enerjisinin verilişində qısamüddətli fasilələr yaradıb. Əməkdaşlarımız tərəfindən qabaqlayıcı tədbirlər görülüb, baş verən qəzalar operativ aradan qaldırılıb”.
Bölmənin digər xəbərləri
