BAEA AZƏRBAYCANA DOZİMETRLƏR GÖNDƏRƏCƏK
Ekologiya və Təbii Sərvətlər Nazirliyi yanında Milli monitorinq xidmətinin başçısı Lahuti Əliyev Vyanada Beynəlxalq Atom Enerjisi Agentliyi (BAEA) tərəfindən təşkil olunmuş beynəlxalq konfransda iştirak etmişdir. Radioaktiv tullantılardan istifadə məsələlərinə həsr olunmuş konfransda 30 ölkənin alimləri iştirak etmişlər.
L.Əliyev ölkənin radiasiyadan qorunması mövzusunda məruzə ilə çıxış edərək bildirmişdir ki, Azərbaycan nüvə ölkəsi olmasa da, qonşu ölkələrdən radiasiyaya məruz qalmaq təhlükəsi mövcuddur.
L. Əliyev AZƏRTAC-ın müxbirinə bildirmişdir ki, BAEA rəhbərliyi Azərbaycana müasir dozimetrlər göndərmək, monitorinqlər keçirilərkən ekspert xidmətləri göstərmək barədə qərar qəbul etmişdir.
Bölmənin digər xəbərləri
