Bakı Şəhəri üzrə Təhsil İdarəsinin rəhbərliyi təltif olunub
Bakı, 2 aprel, AZƏRTAC
Bakı Şəhəri üzrə Təhsil İdarəsinin (BŞTİ) rəhbərliyi təltif olunub.
Bu barədə AZƏRTAC-a Təhsil İdarəsindən məlumat verilib. Bildirilib ki, BŞTİ-nin müdiri Mehriban Vəliyeva, müavinləri Hüseyn Əsgərov və Teymur Əhmədov Azərbaycan Təhsil İşçiləri Azad Həmkarlar İttifaqının100 illik yubiley döş nişanı ilə təltif ediliblər.
Azərbaycan Təhsil İşçiləri Azad Həmkarlar İttifaqının Respublika Komitəsinin sədr müavini Mirzə Cəfərzadə döş nişanlarını təqdim edib və təbriklərini çatdırıb.
BŞTİ müdiri M.Vəliyeva Azərbaycan Təhsil İşçiləri Azad Həmkarlar İttifaqının Respublika Komitəsini yubiley münasibətilə təbrik edib, onların həyata keçirdiyi tədbirləri, bütövlükdə bu təşkilatın gördüyü işləri yüksək qiymətləndirib və göstərilən diqqətə görə təşəkkürünü bildirib.
Bölmənin digər xəbərləri
