Bakıdakı Rus evi iyun ayı üçün tədbirlər proqramını açıqlayıb
Bakı, 8 iyun, AZƏRTAC
Bakıdakı Rus evi iyun ayı üçün tədbirlər proqramını açıqlayıb.
Rusiya İnformasiya-Mədəniyyət Mərkəzindən (RİMM) AZƏRTAC-a bildirilib ki, iyun ayında Bakıdakı Rus evində, eləcə də Xaçmaz və Gəncədəki resurs mərkəzlərində müxtəlif səviyyədə auditoriyalar üçün nəzərdə tutulmuş çoxsaylı tədbirlər - sərgilər, kino nümayişləri, konsertlər, ədəbi gecələr, mühazirələr, “Nə? Harada? Nə vaxt?” intellektual oyunlar klubunun yarışları, maraqlar üzrə yığıncaqlar və s. keçiriləcək.
Digərləri ilə yanaşı, Üzeyir Hacıbəyli adına Bakı Musiqi Akademiyasının konsertlərini (13.06 və 27.06), “Gənc istedadlar sərgisi” layihəsini (15.06), M.Qorkinin xatirə gününə həsr olunmuş sərgi və mühazirəni (18.06), “Puşkiniana-2024” layihəsini (23.06) və Azərbaycan Respublikası Silahlı Qüvvələri Gününə həsr olunmuş konserti (26.06) xüsusilə qeyd etmək lazımdır.
Tədbirlər haqqında daha ətraflı məlumatı sosial şəbəkələrdəki səhifələrdə və ya http://aze.rs.gov.ru/ru saytında əldə etmək olar.
Bölmənin digər xəbərləri
