BALAKƏNDƏ BİTKİÇİLİK MƏHSULLARININ YIĞIMI BAŞA ÇATMIŞDIR
İndiyə kimi 4660 hektar qarğıdalı sahəsindən rekord miqdarda, yəni 19 min 500 tona yaxın məhsul toplanmışdır ki, bu da ötən ilin eyni dövrü ilə müqayisədə 630 ton çoxdur. Hər hektardan məhsuldarlıq orta hesabla 41,8 sentner təşkil etmişdir. Rayonun iri qarğıdalıçılıq təsərrüfatlarından olan Hənifə kəndində 1600 ton, Talalar kəndində 1313 ton, Qazma kəndində isə 1278 ton məhsul yığılmışdır.
Bu il Balakən tərəvəzçiləri sahələrdən 21 min 610 ton məhsul toplamışlar ki, bu da əvvəlki illə müqayisədə 1600 ton çoxdur. Qaysa, Yeni Şərif, Şərif və Qazma kəndlərinin hər birində mövsüm ərzində 2 min tondan artıq tərəvəz yığılmışdır.
Cari ildə rayonda meyvə tədarükü isə ötən ilə nisbətən 6,4 dəfə artaraq, 24 min tona çatmışdır.
Əvvəlki illə müqayisədə 2005-ci ildə kartof istehsalı 82 ton, bostan məhsulları 185 ton, tütün istehsalı isə 43 ton artmışdır.
Bölmənin digər xəbərləri
