“BANK OF BAKU” İPOTEKA KREDİTLƏRİ VERƏCƏKDİR
Bakı, 31 iyul (AZƏRTAC). “Bank of Baku” avqustdan əhaliyə ipoteka kreditlərinin ayrılmasına başlayacaqdır. Bankın daxili ipoteka kreditləşməsi proqramı insanların tələbat və ehtiyaclarının maksimal dərəcədə ödəməsinə yönəlmişdir.
“Bank of Baku” tərəfindən əhaliyə ayrılan ipoteka kreditləri bankın öz vəsaiti hesabına verilir. Layihə çərçivəsində sənədlərə baxılması və kreditin rəsmiləşdirilməsi qısa müddətdə həyata keçirilir.
Bankda verilən kreditin maksimal məbləği 50 min manat (ipoteka predmetinin dəyərinin maksimum 80 faizi) təşkil edir, müddəti 3 aydan 84 ayadəkdir. İlkin ödəniş 30 faiz və daha artıq olduqda illik faiz dərəcəsi 19 (alınan mənzil yeni tikilidə olduqda illik faiz dərəcəsi 20), ilkin ödəniş 30 faizdən az olduqda isə, illik 20 faiz təşkil edir.
“Bank of Baku”da ipoteka kreditinin alınması və bunun üçün tələb olunan sənədlər haqqında daha ətraflı bankın www.bankofbaku.com veb-saytından və ya məlumat mərkəzindən (telefon: 145) almaq olar.
Bölmənin digər xəbərləri
