BANKLARIN NİZAMNAMƏ KAPİTALININ MƏBLƏĞİ ARTMIŞDIR
Milli Bankın mətbuat xidmətindən AZƏRTAC-a bildirmişlər ki, fevralın 1-nə bankların nizamnamə kapitalının ümumi məbləği 266 milyard manat olmuşdur ki, bu da ötən illə müqayisədə 27 faiz çoxdur.
Nizamnamə kapitalının 179,1 milyard manatı dövlət banklarının, 86,9 milyard manatı isə özəl bankların payına düşür. Xarici kapitalın iştirakı ilə yaradılmış bankların nizamnamə fondu 98,2 milyard manat olmuşdur ki, bu da ümumi nizamnamə fondunun 36,9 faizinə bərabərdir. Orta hesabla bir banka düşən nizamnamə fondu fevralın 1-nə 6 milyard manat təşkil etmişdir.
Bölmənin digər xəbərləri
