BAŞ KOLLEKTİV SAZİŞİN ŞƏRTLƏRİNƏ ARTIQLAMASİLƏ ƏMƏL EDİLİR
ASK-dan AZƏRTAC-a bildirmişlər ki, bu sənəddə respublikada həyata keçiriləcək iqtisadi siyasət, əməyin ödənilməsi, əhalinin gəlirləri, həyat səviyyəsi, əmək bazarının inkişafı, əhalinin məşğulluğunun təminatları, sosial müdafiənin gücləndirilməsi, əmək hüquqlarının müdafiəsi, əməyin mühafizəsi, texniki və ekoloji təhlükəsizlik, sosial tərəfdaşlıq, tərəflərin fəaliyyətinin əlaqələndirilməsi və s. mühüm istiqamətləri əhatə edən öhdəliklər qəbul olunmuşdur. Bilavasitə öhdəlik kimi qəbul edilmişdir ki, respublika üzrə ümumi daxili məhsulun (ÜDM) artımı 2005-ci ildə 14,3 faiz olmalıdır. Bu öhdəlik artıqlamasilə yerinə yetirilmişdir. Təkcə yanvar-noyabr aylarında ÜDM istehsalı 25,2 faiz və ya müqayisəli qiymətlərlə 9,8 trilyon manat artaraq, 52,3 trilyon manata çatmışdır. Bu müddətdə sənaye istehsalı sazişdə il üçün nəzərdə tutulmuş 14,2 faiz əvəzinə 32,6 faiz, əhalinin pul gəlirləri 10,9 faiz əvəzinə 26,9 faiz artmışdır.
Bölmənin digər xəbərləri
