BASKETBOLÇULARIMIZ MOLDOVA KOMANDASINI MƏĞLUB EDƏRƏK FİNALA ÇIXDILAR
Səkkiz komandanın iki yarımqrupda çıxış etdiyi yarışlarda Azərbaycan basketbolçuları “B” qrupunda Uels, Albaniya və San Marino yığmaları ilə qarşılaşmışdı. Qrup oyunlarını uğurla başa vuran basketbolçularımız yarımfinalda “A” qrupunun ikincisi Moldova yığması ilə görüşmüşdür. Oyun 81:70 hesabı ilə komandamızın xeyrinə başa çatmışdır.
Andorranı isə 111:101 hesabı ilə məğlub edən Albaniya komandası iyunun 4-də finalda Azərbaycan yığması ilə qarşılaşacaqdır.
Xatırladaq ki, Avropa Basketbol Federasiyasının qərarı ilə Avropa “İnkişaf kuboku” uğrunda yarışlar bu il sonuncu dəfə keçirilir. Gələn ildən bu turnir Avropa çempionatının “Trofi” yarışları adı altında təşkil olunacaqdır.
Bölmənin digər xəbərləri
