BDU “Evdə qal, evdə yarat” təşəbbüsünə qoşulur
Bakı, 10 aprel, AZƏRTAC
Bakı Dövlət Universiteti (BDU) Mədəniyyət Nazirliyi və “Kreativ Azərbaycan” portalının elan etdiyi “Evdə qal, evdə yarat” təşəbbüsünü dəstəkləyir.
Universitetdən AZƏRTAC-a bildirilib ki, BDU tələbələrini və əməkdaşlarını bu təşəbbüsə fəal qoşulmağa dəvət edir.
Təşəbbüs çərçivəsində insanlar evdə olduğu müddətdə hazırladıqları kreativ məhsulu (rəsm əsəri, video, şeir, musiqi və sair) sosial şəbəkədə “#EvdəQalEvdəYarat” həştəqini yazmaqla “Kreativ Azərbaycan” portalının “Facebook” səhifəsini işarələməklə paylaşmalıdır. Müsabiqə aprelin 30-dək davam edəcək. Təşəbbüs çərçivəsində ən çox bəyənilən paylaşımların sahibləri dəyərli hədiyyələr qazanacaq.
Bölmənin digər xəbərləri
