“BDU-nun tarix yazan şəhid məzunları” layihəsi davam edir
Bakı, 2 avqust, AZƏRTAC
“BDU-nun tarix yazan şəhid məzunları” layihəsi davam edir.
Bakı Dövlət Universitetindən (BDU) AZƏRTAC-a bildiriblər ki, Azərbaycan Prezidenti, Ali Baş Komandan İlham Əliyevin rəhbərliyi ilə şanlı ordumuzun böyük Qələbəsi ilə başa çatan 44 günlük Vətən müharibəsində BDU tələbə və məzunları da iştirak edib. Onlardan 18 nəfəri şəhidlik zirvəsinə ucalıb.
BDU və Missiya internet televiziyasının “BDU-nun tarix yazan şəhid məzunları” birgə layihəsi çərçivəsində universitetin şəhid məzunlarının ailələri ziyarət olunur, reportajlar hazırlanaraq geniş ictimaiyyətə təqdim edilir.
Layihə çərçivəsində BDU-nun şəhid tələbə və məzunlarından Cavid Manafov, Nicat Əhmədov, Şamil Nəcəfov, Manaf Bəhmənli, Ceyhun Şalıyev, Vüqar Məmmədov, Ataməli Musaoğlu haqqında reportajlar hazırlanıb. Reportajlarda şəhid məzunların uşaqlıq və tələbəlik illəri, Vətən müharibəsində keçdikləri şərəfli döyüş yolu barədə həm valideynlərinin, həm də universitet müəllimlərinin fikirləri öz əksini tapır.
Bölmənin digər xəbərləri
