Belçika vətəndaşlıq alınması şərtlərini sərtləşdirmişdir
Bakı, 30 oktyabr (AZƏRTAC). Belçika hökuməti vətəndaşlıq alınması şərtlərinin dəyişdirilməsinə 2 il vaxt sərf etmişdir. Le Soir xəbər verir ki, yeni məcəlləyə görə, belçikalı olmaq istəyən adam rəsmi dillərdən birində danışmalı, dövlətin ərazisində beş və ya on il yaşamalıdır.
Müstəsna hallarda ölkədə üç il yaşadıqdan sonra vətəndaşlıq almaq mümkün olacaqdır.
Belçikaya gəlib ölkədə azı beş il leqal yaşamış vətəndaşlar üçün ölkənin milli dillərindən birini bilmək və sosial inteqrasiyanın təsdiqi proseduru məcburi şərtlər olaraq qalır. Bu anlayışa diplom və azı 400 saatlıq tədris kurslarının peşə təhsili daxildir.
Belçikada üç il yaşadıqdan sonra ölkənin vətəndaşlığını almaq üçün idman, elm və ya mədəniyyət sahəsində “Belçikanın beynəlxalq maarifi” anlayışına aid edilməsi mümkün olan xüsusi xidmətlərin olması zəruridir. Bundan başqa, ölkənin milli dillərindən birində danışmağı bacarmaq lazımdır.
Belçika vətəndaşlığın alınması prosedurunu çətinləşdirsə də, bir çox Avropa dövlətləri əksinə, onu sadələşdirir, dövlətin iqtisadiyyatına müəyyən məbləğdə vəsait yatırılması müqabilində sadələşdirilmiş sxem üzrə pasport alınması qaydasını tətbiq edirlər.
Bölmənin digər xəbərləri
