BƏRDƏDƏ QIZILCA VƏ MƏXMƏRƏYƏ QARŞI İMMUNLAŞDIRMA KAMPANİYASI MÜVƏFFƏQİYYƏTLƏ KEÇİR
AZƏRTAC xəbər verir ki, fevralın 27-dən martın 12-dək respublikamızda həyata keçirilən qızılca və məxmərəyə qarşı milli immunlaşdırma kampaniyası Bərdə rayonunda da müvəffəqiyyətlə davam etdirilir.
Rayon mərkəzi xəstəxanasından verilən məlumata görə, rayonda 103 tibb müəssisəsi üzrə 24 daimi, 134 müvəqqəti peyvənd məntəqəsi, 15 səyyar, 2 mobil briqada yaradılmışdır. Bütün tibb müəssisələri peyvəndin aparılması üçün lazım olan vaksin, şpris və çantalarla təmin olunmuş, 48 mindən çox adam peyvənd edilmişdir.
Rayonda immunlaşdırma kampaniyası davam edir.
