BERLİNİN ŞÖNEFELD HAVA LİMANINDA 6,8 KİLOQRAM KOKAİN TUTULMUŞDUR
AZƏRTAC-ın xüsusi müxbiri xəbər verir ki, iyulun 16-da Almaniyanın Narkotiklərlə Mübarizə İdarəsinin və gömrük əməkdaşlarının Berlinin Şönefeld hava limanında keçirdikləri tədbirlər nəticəsində bir peşəkar narkokuryer yaxalanmışdır. Yoxlama zamanı Dominikan Respublikasından Berlinə, oradan isə Amsterdama üçmaq istəyən 25 yaşlı hollandiyalı sərnişinə məxsus çamadanın gizli ikinci qatından 6,8 kiloqram kokain götürülmüşdür. Yerindəcə aparılan təcili istintaq zamanı narkokuryerin bu işlə çoxdan məşğul olduğu aydınlaşıbdır. Narkokuryer həbs edilmiş, faktla bağlı cinayət işi qaldırılmışdır.
Bölmənin digər xəbərləri
