Beynəlxalq Avtomobil Federasiyası 2019-cu il mövsümü üçün müraciət vərəqəsini dərc edib
Bakı, 7 fevral, AZƏRTAC
Beynəlxalq Avtomobil Federasiyası (FIA) qarşıdakı mövsüm üçün müraciət vərəqəsinin yekun variantını dərc edib. Bu, kifayət qədər gec baş versə də, səbəbi izah edilib.
AZƏRTAC “F1News.ru”ya istinadla xəbər verir ki, Formula 1 komissiyası iki komandanın adının dəyişdirilməsini yalnız ötən həftə təsdiq edib. İndi iştirakçıların siyahısında təkcə “Racing Point” deyil, həm də “Alfa Romeo Racing” olacaq. Bununla yanaşı, Hinvildə işlənib hazırlanmış və tikilmiş şassi də “Alfa Romeo” adlanır. Adından müraciət verilən “Sauber Motorsport AG” isə yalnız şirkət kimi iştirak edir.
Dekabrın əvvəllərində elan olunmuş variant ilə müqayisədə daha bir dəyişiklik Aleksander Elbonun 23 nömrə altında çıxış edəcəyi barədədir.
Bölmənin digər xəbərləri
