BİLƏSUVAR SƏRHƏD KEÇİDİNDƏ KARANTİN LABORATORİYASI AÇILMIŞDIR
AZƏRTAC-ın müxbiri xəbər verir ki, bu münasibətlə keçirilən mərasimdə kənd təsərrüfatı nazirinin vəzifəsini icra edən İrşad Əliyev çıxış etmişdir. O, idxal-ixrac əməliyyatları zamanı məhsulların karantin yoxlamasından keçirilməsini çox mühüm iqtisadi amil kimi dəyərləndirmiş və demişdir ki, Azərbaycan dünya ölkələrinə açıq ölkə olduğundan belə bir xidmətin təşkili çox vacib idi. Astara və Qırmızı körpüdəki məntəqələrdən sonra Biləsuvarda müasir tipli belə bir laboratoriyanın istifadəyə verilməsindən məqsəd xarici ölkələrdən iqtisadi cəhətdən təhlükəli məhsulların, zərərverici və alaq otları toxumlarının respublikamızın daxili bazarlarına yol tapmasının qarşısını almaq, həm də ixrac etdiyimiz məhsulların xarici bazarlarda nüfuzunu artırmaqdır.
Bölmənin digər xəbərləri
