BİLL KLİNTON MÜXBİRLƏR ASSOSİASİYASININ MÜKAFATINA LAYİQ GÖRÜLMÜŞDÜR
Klinton artıq il yarımdır ki, sunamidən zərər çəkmiş ölkələrdə BMT baş katibinin xüsusi elçisi qismində işləyir. O, mükafatı carı il dekabrın 8-də Nyu-Yorkda beynəlxalq birliyin iqamətgahında xüsusi mərasimdə şəxsən Kofi Annanın özündən qəbul edəcəkdir.
BMT yanında Müxbirlər Assosiyasiyasının prezidenti, pakistanlı jurnalist Məsud Heydər demişdir: “Biz fəxr edirik ki, öz evlərini, doğmalarını və yaxınlarını itirmiş, yaşamaq üçün vəsaitdən məhrum olmuş yüz minlərlə insana kömək etmək üçün çox iş görmüş şəxs Assosiasiyanın mükafatının laureatı olmuşdur”.
Klintondan əvvəl müxtəlif illərdə BMT-nin xoşməramlı səfirləri qismində çox və səmərəli çalışan Hollivud kinoulduzları Anjelina Coli və Nikol Kidman, İraqda beynəlxalq inspektorların sabiq başçısı Hans Bliks, BMT-nin Əfqanıstandakı nümayəndəliyinin sabiq başçısı Lahdar Brahimi bu mükafatın laureatları olmuşlar. Ötən il bu ada BMT-nin beşiyi başında dayanmış əfsanəvi diplomat Brayan Urkvart layiq görülmüşdür.
Si-En-En telekanalının yaradıcısı Ted Terner 1995-ci ildə “Dünyanın vətəndaşı” mükafatının ilk laureatı olmuşdur. O, vaxtilə BMT-nin müxtəlif proqramlarının həyata keçirilməsinə 1 milyard dollar ayırmağı qərara almış və bu məqsədlə xüsusi fond təsis etmişdir.
BMT yanında Müxbirlər Assosiyasiyası 1948-ci ildə yaradılmışdır və bütün qitələrin aparıcı KİV-lərini təmsil edən 200-dək jurnalisti birləşdirir.
Bölmənin digər xəbərləri
