BİLYARD ÜZRƏ AZƏRBAYCAN ÇEMPİONATINA YEKUN VURULMUŞDUR
Oktyabrın 27-də bilyardın “Moskva Piramidası” növü üzrə Azərbaycan çempionatı başa çatmışdır.
Yarışda Bakı, Sumqayıt, Gəncə, Lənkərandan 27 kiy ustası mübarizə aparmışdır.
Azərbaycan Bilyard Federasiyasından AZƏRTAC-a bildirmişlər ki, Ramin Səməndərov finalda Saleh Mustafayevə 3:0 hesabı ilə qalib gələrək ikinci dəfə Azərbaycan çempionu titulunu qazanmışdır. R.Səməndərov ötən il də bilyardın bu növündə hamıdan güclü olduğunu sübut etmişdi. İkiqat ölkə çempionu olmaqla R.Səməndərov Azərbaycanın idman ustası dərəcəsinə yüksəlmişdir.
Bölmənin digər xəbərləri
