Bir telekanala və bir radioya Qarabağda yayım üçün lisenziya verilib
Bakı, 3 oktyabr, AZƏRTAC
Audiovizual Şuranın növbədənkənar iclası keçirilib.
Şuradan AZƏRTAC-a verilən məlumata görə, iclasda Azərbaycan Respublikasının Qarabağ iqtisadi rayonunun ərazisində keçirdiyi uğurlu və sürətli lokal antiterror tədbirləri, bu tədbirlərdən sonra bölgədə yaranan vəziyyət, orada yaşayan əhalinin informasiya təminatının yaradılması və ümumölkə informasiya məkanına reinteqrasiyasının təmin olunması, habelə lisenziyaların alınması üçün “Baku TV” MMC-nin və "Azərbaycan Televiziya və Radio Verilişləri” QSC-nin Audiovizual Şuraya müraciətləri müzakirə olunub.
Qarabağ iqtisadi rayonunun ərazisində yaşayan əhalinin obyektiv və operativ informasiya ilə təminatının yaradılmasının təxirəsalınmazlığını nəzərə alaraq Audiovizual Şura “Baku TV” MMC-yə peyk yayımı həyata keçirən platforma yayımçısı (televiziya redaksiyasının adı “Baku TV”), “Azərbaycan Televiziya və Radio Verilişləri” QSC-yə ümumölkə yerüstü radio yayımçısı (radio redaksiyanın adı “Azərbaycan Beynəlxalq Radiosu”) lisenziyalarının verilməsi haqqında müvafiq qərarlar qəbul edilib.
Bölmənin digər xəbərləri
