BMT daşqınlardan zərər çəkmiş Banqladeşə 4 milyon dollar ayırıb
Bakı, 5 sentyabr, AZƏRTAC
Birləşmiş Millətlər Təşkilatı dağıdıcı daşqınlardan əziyyət çəkən Banqladeş üçün Fövqəladə Hallara Cavab Fondundan 4 milyon dollar ayırıb.
AZƏRTAC xəbər verir ki, bu barədə təşkilatın mətbuat katibi açıqlama verib. Bildirilib ki, pul Banqladeşdə təxminən 6 milyon kişi, qadın və uşağa təsir edən daşqınlara cavab tədbirləri üçün istifadə ediləcək.
İndiyədək Banqladeşdə 500 min insanın didərgin düşdüyü, 7 mindən çox məktəbin daşqınlar səbəbindən bağlandığı və təxminən 1.7 milyon şagirdin təsirləndiyi qeyd edilir. Daşqınlar heyvandarlıq və balıqçılıqda təqribən 156 milyon dollar itkiyə səbəb olub.
Qeyd edək ki, Banqladeş bu il indiyədək iqlimlə bağlı dörd böyük fəlakətlə, o cümlədən Remal siklonu və ölkədə təxminən 13 milyon insana təsir edən dağıdıcı daşqınlarla üzləşib.
Bölmənin digər xəbərləri
