BMTM-in sədri: Bu il əməkdaşlarımızın 130-dan çox məqaləsi xaricdə dərc olunub
Bakı, 28 dekabr, AZƏRTAC
Beynəlxalq Münasibətlərin Təhlili Mərkəzinin (BMTM) ölkədə baş verən siyasi prosesləri beynəlxalq auditoriyaya çatdırmaq işinin tərkib hissəsi kimi əməkdaşların 2022-ci ildə xaricdə 130-dan çox məqaləsi dərc olunub.
AZƏRTAC xəbər verir ki, bunu Beynəlxalq Münasibətlərin Təhlili Mərkəzinin sədri Fərid Şəfiyev ilin yekunlarına həsr olunmuş mətbuat konfransında deyib.
O bildirib ki, BMTM-in məhsulları Azərbaycan-Ermənistan sülh prosesi prioritet olmaqla yanaşı, regionda nəqliyyat və enerji layihələrini, ikitərəfli əməkdaşlıq əlaqələrini, Azərbaycanın beynəlxalq təşkilatlarda iştirakını, dünyada baş verən siyasi prosesləri və bunun Azərbaycana təsirlərini əhatə edib.
"Beynəlxalq Münasibətlərin Təhlili Mərkəzi ilə 4 anlaşma memorandumu imzalanıb. Bununla da anlaşma memorandumlarının sayı 34-ə çatıb", - deyə Fərid Şəfiyev qeyd edib.
Bölmənin digər xəbərləri
