BOLQARISTAN MƏRKƏZİ SEÇKİ KOMİSSİYASI PREZİDENT SEÇKİLƏRİNİN BİRİNCİ TURUNA YEKUN VURMUŞDUR
AZƏRTAC-ın İTAR-TASS-dan aldığı xəbərə görə, Bolqarıstan Mərkəzi Seçki Komissiyası prezident seçkilərinin birinci turuna yekun vurmuşdur. İkinci dəfə prezident mandatına namizəd Georgi Pırvanov səslərin 64,05 faizini toplamışdır. “Hücum” Milli Partiyasının lideri Volen Siderova seçicilərin 21,49 faizi, sağ partiyalar blokunun namizədi Nedelço Beronova isə 9,75 faizi səs vermişdir.
Mövcud qanunvericiliyə uyğun olaraq, Bolqarıstanda seçkilərin ikinci turu oktyabrın 29-da keçiriləcəkdir. Seçici bülletenlərinə daha çox səs toplamış iki namizədin - Georgi Pırvanovun və Volen Siderovun adları daxil edilmişdir. Prezident seçilmək üçün seçicilərin sadə səs çoxluğu kifayətdir.
Bölmənin digər xəbərləri
