Bolqarıstanda ilin sonunadək yeni kosmik texnologiya istifadəyə veriləcək
Sofiya, 20 fevral, AZƏRTAC
Bolqarıstan regionda kosmik müşahidə və məlumat analizi sahəsində mühüm mərkəzlərdən birinə çevrilə bilər. Belə ki, bu ölkə ilin sonunadək istifadəyə veriləcək yeni kosmik texnologiya ilə Avropada astronomiya sahəsində mövqeyini əhəmiyyətli dərəcədə gücləndirməyi hədəfləyib.
AZƏRTAC xəbər verir ki, söhbət müasir müşahidə və analiz imkanlarına malik sistemdən gedir. Yeni texnologiya uzaq kosmik obyektlərin daha yüksək dəqiqliklə izlənilməsinə, məlumatların operativ emalına və elmi tədqiqatların genişləndirilməsinə şərait yaradacaq. Alimlər bildirirlər ki, sistem xüsusilə ulduz sistemlərinin təkamülü, qalaktik strukturlar və kosmik hadisələrin öyrənilməsi baxımından mühüm əhəmiyyət daşıyır.
İlkin qiymətləndirmələrə görə, sistem istifadəyə verildikdən sonra Bolqarıstan həm elmi, həm də texnoloji inkişaf baxımından mövqeyini möhkəmləndirəcək.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
