Bolqarıstanlı gimnast: Bakıda Dünya Kuboku yarışlarında gümüş medal qazandığım üçün çox xoşbəxtəm
Bakı, 29 aprel, AZƏRTAC
Bakıda keçirilən Dünya Kuboku yarışlarında gümüş medal qazandım. Çox xoşbəxtəm. Lakin bu, heç də asan olmadı. Yarışların təşkilatçılıq səviyyəsi mənə çox xoş təsir bağışladı, unudulmaz anlar yaşadım.
Bu sözləri AZƏRTAC-a müsahibəsində Bakıda keçirilən bədii gimnastika üzrə FİG Dünya Kuboku “AGF TRophy”nin gümüş medalçısı, bolqarıstanlı gimnast Kaleyn Boryana deyib.
“Mən ilk dəfə Bakıda yarışda iştirak edirəm və buradakı yüksək təşkilatçılıq səviyyəsinə heyran qaldım. Bakı çox gözəl şəhərdir. Milli Gimnastika arenası möhtəşəmdir. Mən buraya bir daha gəlmək istəyirəm. Təəssüf edirəm ki, azərbaycanlı gimnastların çıxışına baxa bilmədim. Lakin mən Zöhrə Ağamirovanın çıxışını məşq zamanı izlədim və çox bəyəndim. Onlar hələ çox gəncdir. İnanıram ki, gələcəkdə fəxri kürsüdə dayanacaqlar”, - deyə bolqarıstanlı gimnast əlavə edib.
Bölmənin digər xəbərləri
