“Böyük dəbilqə” turnirinin ikinci günü 4 cüdoçumuz tatamiyə çıxacaq
Bakı, 25 mart, AZƏRTAC
Gürcüstanın paytaxtı Tbilisi şəhərində keçirilən “Böyük dəbilqə” turniri davam edir.
Azərbaycan Cüdo Federasiyasından AZƏRTAC-a bildirilib ki, turnirin ikinci günündə iki çəki dərəcəsində 4 cüdoçumuz medallar uğrunda mübarizə aparacaq.
Kişilərin yarışında 73 kiloqram çəki dərəcəsində Nəriman Mirzəyev və Rəşid Məmmədəliyev, 81 kiloqram çəki dərəcəsində Rüstəm Orucov və Elcan Hacıyev güclərini sınayacaq.
İlkin görüşlər saat 10:00-da başlayacaq.
Bölmənin digər xəbərləri
