BRİTANİYA JURNALİSTLƏRİ LUKAŞENKOYA QAHMAR ÇIXIRLAR
AZƏRTAC xəbər verir ki, Britaniya jurnalistləri Belarus Prezidenti Aleksandr Lukaşenkonun müdafiəsinə qalxmışlar. Bunun bir səbəbi də odur ki, Lukaşenkonun yeritdiyi siyasət qarşıdakı seçkilər ərəfəsində Qərbdə, xüsusilə, kəskin tənqid olunan “Qardian” qəzetinin müxbiri Conatan Stil “Avropa və ABŞ qalibi hələ səsvermədən əvvəl müəyyənləşdirmişlər” adlı məqaləsində hesab edir ki, Lukaşenko belarusları nəinki razı salır, həm də Avropa İttifaqı və ABŞ tərəfindən çox vaxt əsassız kəskin tənqid olunur. Məqalədə belə bir sual verilir: “Əhalisinin real gəliri artıq bir neçə il dalbadal artan və son ildə 24 faiz yüksələn hər hansı Avropa liderinin seçkilərdə məğlubiyyətə uğramasını təsəvvürünüzə gətirə bilərsinizmi? Özü də əlavə dəyər vergisini aşağı salan, inflyasiyanın qarşısını alan, 7 il yarım ərzində yoxsulluğu yarıbayarı azaldan, gəlirlərin regionda ən ədalətli şəkildə bölünməsi yolu ilə sosial partlayışlara yol verməyən bir liderin?”. Müəllifin özü “yox” deyir.
Stil razılaşır ki, Belarus Prezidenti liberal deyildir, lakin onu, Qərb tənqidçilərinin gördükləri kimi, diktator və müstəbid adlandırmaq da olmaz. ABŞ və Avropa “demokratiyanın inkişafı” şüarı altında seçkilərə böyük vəsait ayırırlar ki, bu da, əslində, Rusiya ilə Belarusun dostluğu və Lukaşenkonun NATO-ya sərt münasibət bəsləməsi ilə şərtlənir.
Bölmənin digər xəbərləri
