Britaniyada 90-dan çox aksiya iştirakçısı saxlanılıb
London, 4 avqust, AZƏRTAC
Britaniyanın müxtəlif şəhərlərində radikal sağçı qrupların keçirdiyi aksiyalar davam edir.
AZƏRTAC xəbər verir ki, Bristol, Lids, Sanderlend, Blekpul, Stok-on-Trent, Mançester və Hull şəhərlərində təşkil olunan aksiyalar zamanı polis 90-dan çox nümayişçini saxlayıb. Nümayişlər zamanı polis əməkdaşları hücuma məruz qalıb və yaralanıblar. Ən şiddətli zorakılıq Liverpulda baş verib. Orada iki polis əməkdaşı xəstəxanaya yerləşdirilib.
Baş nazir Kir Starmer hökumətin polis qüvvələrinə ifrat sağçılara qarşı tədbir görməsi üçün tam dəstək verəcəyini deyib.
Qeyd edək ki, iyulun 29-da İngiltərənin Sautport şəhərində 17 yaşlı bıçaqlı şəxs şəhərdəki rəqs məktəblərindən birində uşaqlara hücum edib. Nəticədə 9 uşaq yaralanıb, 3 uşaq isə aldığı zərbələrdən xəstəxanada həyatını itirib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
