Britaniyanın Baş naziri: Donald Trampa etibar edirəm
London, 27 fevral, AZƏRTAC
Böyük Britaniyanın Baş naziri Kir Starmer Ağ Ev və Avropa arasında artan gərginliyi şərh edərək, Donald Trampa etibar etdiyini və ABŞ-la xüsusi münasibətlərin daha da güclənməsini istədiyini bildirib.
AZƏRTAC “Sky News”a istinadla xəbər verir ki, Ağ Evdə Prezident Trampla keçiriləcək mühüm görüşdən əvvəl jurnalistlərə açıqlama verən Kir Starmer, Böyük Britaniyanın ABŞ ilə Ukrayna məsələsində tam uzlaşma içində işlədiyini vurğulayıb.
Baş nazirə Donald Trampa etibar edib-etmədiyi soruşulduqda isə o, “bəli” cavabını verib:
“Onunla yaxşı münasibətim var. Bildiyiniz kimi, onunla görüşmüşəm, telefonla da danışmışam. Britaniya və ABŞ arasındakı bu xüsusi münasibət uzun tarixi olan bir əlaqədir. Biz birlikdə müharibələr aparmışıq, ticarət etmişik və mən istəyirəm ki, bu münasibətlər daha da güclənsin”, - deyə Baş nazir vurğulayıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
