Bu yolda təmir işləri aparılır – Sürücülərə xəbərdarlıq
Bakı, 29 avqust, AZƏRTAC
Bakı-Quba-Rusiya Federasiyası ilə dövlət sərhədi avtomobil yolunun 10-16-cı kilometrlik hissəsində yol-nəqliyyat hadisələri zamanı sıradan çıxmış əyrixətli dəmir tirlərin təmiri və dəyişdirilməsi işləri aparılır.
Azərbaycan Avtomobil Yolları Dövlət Agentliyinin mətbuat xidmətindən AZƏRTAC-a bildirilib ki, həmin işlər bu gün saat 10:00-dan 16:00-dək həyata keçiriləcək.
Sürücülərdən qeyd olunan müddət ərzində həmin ərazidə hərəkətdə olarkən müvəqqəti yol nişanlarının tələblərinə və yol hərəkəti qaydalarına riayət etmələri xahiş olunur.
Bölmənin digər xəbərləri
