BUDAPEŞT MƏHKƏMƏSİNDƏ RAMİL SƏFƏROVUN BARƏSİNDƏ İKİNCİ İŞ ÜZRƏ NÖVBƏTİ İCLAS KEÇİRİLMİŞDİR
Məlum olduğu kimi, 2004-cü il iyulun 19-da istintaq təcridxanasında mühafizəçilərlə Ramil Səfərov arasında toqquşma baş vermişdir. O, hüquq mühafizə orqanlarının əməkdaşlarına müqavimət göstərməkdə, onlara yüngül bədən xəsarəti yetirməkdə təqsirləndirilir.
R.Səfərovun ikinci iş üzrə vəkili Klara Fişerdir. Sentyabrın 2-də keçirilən iclasda hadisənin bir neçə iştirakçısı, habelə həmin gün növbədə olan gözətçi və həkim dindirilmişdir.
Sentyabrın 5-də keçirilən iclasda hüquq mühafizə orqanlarının daha üç əməkdaşının – hadisə iştirakçılarının ifadələri dinlənilmişdir. Onlar prokurorun və Səfərovun vəkilinin suallarına da cavab vermişlər. Hakimin, prokurorun suallarını Ramil də cavablandırmışdır.
Məhkəmənin növbəti iclası noyabrın 17-də olacaqdır. İclasda münaqişənin digər iştirakçılarının ifadələri dinləniləcəkdir. Güman olunur ki, həmin iclasda hökm oxunacaqdır.
Məhkəmə iclasında Azərbaycanın Macarıstandakı səfirliyinin əməkdaşları iştirak etmişlər.
Bölmənin digər xəbərləri
