Cari ildə ABŞ-ın gündəlik neft hasilatı 11,1 milyon barrel olacaq
Bakı, 13 yanvar, AZƏRTAC
Birləşmiş Ştatların 2021-ci il üzrə gündəlik xam neft istehsalına dair proqnoz dəyişməyib.
AZƏRTAC ABŞ-ın Enerji İnformasiya Administrasiyasının (EIA) məlumatına istinadla xəbər verir ki, bu il Birləşmiş Ştatların neft hasilatının sutkada 11,1 milyon barrel olacağı nəzərdə tutulur. Ötən il isə ABŞ-da gündəlik neft hasilatı 11 milyon 290 min barrel təşkil edib.
2022-ci ildə Birləşmiş Ştatların sutkalıq neft istehsalının 11 milyon 490 min barrelə yüksələcəyi gözlənilir.
Qeyd edək ki, ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük xam neft istehsalçısı olub.
Bölmənin digər xəbərləri
