Cavid Vəliyev: Bəzi ölkələr beynəlxalq hüququn prinsipləri ilə bağlı ikili standartları təbliğ edirlər
Bakı, 22 avqust, AZƏRTAC
Hazırda köləlik, müstəmləkə siyasəti müxtəlif formalarda davam edir. Bu gün müstəmləkəçilik beynəlxalq hüquqla qadağan olsa, təəssüf ki, mövcuddur. Hazırda bəzi ölkələr beynəlxalq hüququn əsas prinsiplərinin müddəaları, eyni zamanda, insanların öz müqəddəratını təyinetmə hüquqlarının fundamental prinsipləri ilə bağlı ikili standartları təbliğ edirlər.
AZƏRTAC xəbər verir ki, bu fikirləri Beynəlxalq Münasibətlərin Təhlili Mərkəzinin (BMTM) şöbə müdiri Cavid Vəliyev “Bonayre adasının Bakıdan keçən BMT Baş Assambleyasındakı öz müqəddəratını təyinetmə yolu” mövzusunda beynəlxalq konfransda səsləndirib.
O bildirib ki, əvvəllər xalqlar müstəmləkəçiliyə və mübahisələrə daha çox məruz qalırdılar. Bu gün ikili standartların qurbanı təkcə insanlar deyil.
BMTM-in şöbə müdiri 2015-ci il referendumunun nəticələrinin Bonayre xalqına öz müqəddəratını təyin etmək hüququ verdiyini də xatırladıb, bunu müstəqillik uğrunda mübarizənin nəticəsi kimi qiymətləndirib.
Bölmənin digər xəbərləri
