Cəlilabadda yol-nəqliyyat hadisəsi baş verib, sürücü ağır xəsarət alıb
Cəlilabad, 24 noyabr, İlkin Adıyev, AZƏRTAC
Cəlilabad rayonunda idarəetməni itirən avtomobil aşıb, sürücü ağır xəsarət alıb.
AZƏRTAC-ın bölgə müxbiri xəbər verir ki, hadisə Ələt-Astara magistralının 142-ci kilometrliyində Cəlilabad rayonu ərazisində qeydə alınıb. Hərəkətdə olan "Mercedes" markalı nəqliyyat vasitəsi idarəetməni itirərək yol kənarındakı elektrik dirəyinə çırpılıb.
Qəza nəticəsində sürücü müxtəlif dərəcəli ağır bədən xəsarətləri alıb. Yaralı əraziyə gələn təcili yardım avtomobili ilə Cəlilabad Rayon Mərkəzi Xəstəxanasına hospitalizasiya olunub.
Faktla bağlı araşdırma aparılır.
Bölmənin digər xəbərləri
