CƏNUB BÖLGƏSİNDƏ MEŞƏ YANĞINLARI SÖNDÜRÜLMÜŞDÜR

06.03.2004 [14:18]
Çap et
A⁺ A^-

AZƏRTAC-ın müxbirinin xəbər verdiyi kimi, martın 5-də respublikamızın cənub bölgəsində güclü qasırğa nəticəsində Talış meşələrində yanğınlar baş vermişdir. Yanğınlar Astara rayonunun Pəlikəş ərazi vahidinə daxil olan Sım, Diqo, Şəvqo, Siyov, Dilmədi, Əyərud kəndlərinin, Lerik rayonunun Osyedərə, Bülüdül, Nücü, Barzavu, Lərmərud kəndlərinin, Yardımlı rayonunun Hamar kəndinin, Lənkəran rayonunun Gəgiran və Balıtan kəndlərinin ərazisində olan meşələri bürümüşdür. Nəticədə, cənub bölgəsinin yüzlərlə hektar meşə sahəsinə ziyan dəymişdir.

Yanğınların baş verdiyi rayonlarda bütün qüvvələr alovla mübarizəyə səfərbər olunmuşdur. Martın 6-da səhərə yaxın hər üç rayonda yanğınlar söndürülmüşdür.

Respublika ekologiya və təbii sərvətlər naziri Hüseynqulu Bağırov meşə yanğınlarının daha çox tüğyan etdiyi Lerik rayonunda olmuş, alovun ram edilməsində şəxsən iştirak etmişdir.

Yanğınlardan fərdi təsərrüfatlara və vətəndaşlara ziyan dəyməmişdir.

CƏNUB BÖLGƏSİNDƏ MEŞƏ YANĞINLARI SÖNDÜRÜLMÜŞDÜR

MÜƏLLİFLƏ ƏLAQƏ

Bölmənin digər xəbərləri