Ceyms Makferson ABŞ Hərbi Dəniz Qüvvələri nazirinin səlahiyyətlərini icra edəcək
Bakı, 8 aprel, AZƏRTAC
Pentaqonun rəhbəri Mark Esper ABŞ Hərbi Dəniz Qüvvələri nazirinin səlahiyyətlərinin icraçısı Tomas Modlinin istefasını qəbul edib və Quru Qoşunları nazirinin müavini Ceyms Makfersonu onun yerinə təyin edib.
AZƏRTAC TASS informasiya agentliyinə istinadla xəbər verir ki, bu barədə Mark Esper “Twitter” səhifəsində yazıb. O, ABŞ Prezidentinin razılığı ilə Ceyms Makfersonu Hərbi Dəniz Qüvvələri nazirinin səlahiyyətlərinin icraçısı təyin etdiyini bildirib.
Tomas Modli “Teodor Ruzvelt” təyyarədaşıyan gəmisinin sabiq kapitanı Brett Krozyenin ünvanına kobud fikir söylədikdən sonra istefa ərizəsi yazıb. Daha əvvəl Brett Krozyenin yazılı bəyanatında gəmidə koronavirus infeksiyasının olduğu bildirilmişdi.
Bölmənin digər xəbərləri
