Çimərlik futbolu üzrə Azərbaycan millisi Türkiyədə toplanış keçəcək
Bakı, 25 avqust, AZƏRTAC
İtaliyanın Viareccio şəhərində keçiriləcək Avropa çempionatının (EBSL) final mərhələsində iştirak edəcək çimərlik futbolu üzrə Azərbaycan milli komandası Türkiyədə təlim-məşq toplanışı keçəcək.
Bu barədə AZƏRTAC-a yığmanın baş məşqçisi Sahib Məmmədov məlumat verib.
Onun sözlərinə görə, komanda sentyabrın 1-dən 7-dək Alanya şəhərində hazırlıq keçəcək.
Qeyd edək ki, B Liqasının A qrupunda yer alan Azərbaycan seçməsi Belçika və Litva ilə qarşılşacaq. Final mərhələsində B Liqası hərəsində 3 komanda olmaqla iki qrupdan ibarət təşkil olunacaq. Qruplarda ilk iki yeri tutacaq komandalar sentyabrın 13-də yarımfinalda qarşılaşacaqlar. Sentyabrın 14-də isə final və 3-cü yer uğrunda görüşlər keçiriləcək.
Bölmənin digər xəbərləri
