Çin Kommunist Partiyası növbəti beşillik planı müzakirə etmək üçün toplaşıb
Pekin, 20 oktyabr, AZƏRTAC
Çin Kommunist Partiyası Mərkəzi Komitəsinin Pekində işə başlayan 4-cü plenumunda ölkənin 2026-2030-cu illəri əhatə edən 15-ci beşillik planı müzakirə olunur.
AZƏRTAC Çin rəsmi mediasına istinadla xəbər verir ki, partiyanın rəhbəri Si Cinpinin sədrliyi ilə keçirilən plenuma 300-dən çox partiya rəsmisi qatılıb.
Plenum oktyabrın 23-dək davam edəcək.
Qeyd edək ki, Çində sosial-iqtisadi inkişafla bağlı beşillik planların icrasına 1953-cü ildən başlanılıb. Planda növbəti 5 il üçün əsas sosial-iqtisadi hədəflər müəyyən edilir.
Çinin Dövlət Statistika Bürosu oktyabrın 20-də ölkənin iqtisadi inkişaf göstəricilərini açıqlayıb. İlin 9 ayında ümumi daxili məhsul (ÜDM) 5,2 faiz artaraq 101,5 trilyon yuana (təxminən 14,3 trilyon ABŞ dollar) çatıb. İlin 3-cü rübündə isə artım 4,8 faiz təşkil edib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
