Çin ötən il 610 milyon dollarlıq sənaye robotu ixrac edib
Bakı, 1 fevral, AZƏRTAC
2022-ci ildə Çinin dünya bazarına çıxardığı sənaye robotlarının ümumi dəyəri 610 milyon dollar təşkil edib.
AZƏRTAC xəbər verir ki, ölkənin robot texnikası sənayesi assosiasiyasının məlumatına görə, ölkəyə idxal olunan müvafiq məhsulun həcmi ixracı bir neçə dəfə üstələyərək 2 milyard dollar olub. Təkcə dekabr ayında sənaye robotu ixracı 50 milyon dollara, idxalı isə 180 milyon dollara çatıb.
Statistikaya görə, ötən il Çinin iri kompaniyaları xidmət sahələri üçün 6,4 milyon, sənaye sektoru üçün isə 443 min robot istehsal edib.
Bölmənin digər xəbərləri
