Çində yaşayış binasında yanğın baş verib: ölən və yaralananlar var
Pekin, 5 may, AZƏRTAC
Çinin Quansi Cuan muxtar regionunda yaşayış binasında baş verən yanğın nəticəsində ən azı 5 nəfər ölüb, 38 nəfər yaralanıb.
AZƏRTAC yerli hakimiyyət orqanlarının yaydığı məlumata istinadla xəbər verir ki, hadisə Quylin şəhərində səhər saatlarda baş verib. Yaralananlardan 6-sının vəziyyəti ağırdır.
Bildirilir ki, yanğın hadisə yerinə cəlb olunmuş yanğından mühafizə xidməti əməkdaşlarının səyi nəticəsində söndürülüb.
Hazırda binada axtarış işləri aparılır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
