CİNAYƏT HADİSƏLƏRİNİN ÜSTÜ İSTİ İZLƏRLƏ AÇILMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, avqustun 30-da respublika ərazisində qeydə alınmış 31 cinayət hadisəsindən 25-nin, həmçinin ötən günlərdən bağlı qalmış 4 cinayətin üstü açılmışdır. Cinayət Məcəlləsinin müxtəlif maddələri ilə axtarışda olan 7 nəfər keçirilmiş əməliyyat tədbirləri nəticəsində tutularaq istintaq orqanlarına təhvil verilmişdir.
Daxili işlər orqanları əməkdaşları tərəfindən narkotiklərlə əlaqədar yeddi, qanunsuz saxlanılan silah-sursatla bağlı 6 fakt müəyyən edilmiş, cinayət törətdiklərinə görə 39 nəfər tutulmuşdur. Baş vermiş beş yol-nəqliyyat qəzasında 4 nəfər ölmüş, 12 adam yaralanmışdır. Gün ərzində bir yanğın hadisəsi qeydə alınmışdır.
Bölmənin digər xəbərləri
