COVID-19: Fransada son sutkada 19 753 yeni yoluxma qeydə alınıb
Paris, 13 yanvar, AZƏRTAC
Fransada son sutkada COVID-19 infeksiyasına 19 753 yeni yoluxma və xəstəxanalarda 362 ölüm faktı qeydə alınıb.
AZƏRTAC xəbər verir ki, bu haqda Fransa Səhiyyə İdarəsi məlumat yayıb.
Bildirilib ki, xəstəxanalarda 24 737 koronavirus xəstəsi müalicə alır. Reanimasiya şöbələrində 2 688 ağır vəziyyətdə virus xəstəsi intensiv müalicə olunur. Pandemiya başlayandan ölkədə bu virus səbəbindən 68 802 ölüm faktından 47 773-ü xəstəxanalarda qeydə alınıb.
Dekabrın 27-dən ölkədə koronavirus əleyhinə peyvənd kampaniyasına başlanılıb. Bu günədək 190 min insan peyvənd edilib. Virusun yeni variantlarının ölkədə sürətlə yayıldığı və yanvarın 20-dən ölkədə tam karantin rejimi tətbiq olunacağı bildirilir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
