CÜDO ÜZRƏ YENİYETMƏLƏRİN AVROPA ÇEMPİONATINDA AZƏRBAYCAN 15 İDMANÇI İLƏ TƏMSİL OLUNACAQDIR
Gənclər və İdman Nazirliyinin mətbuat xidmətindən AZƏRTAC-a bildirmişlər ki, Azərbaycanın cüdo üzrə yeniyetmələrdən ibarət yığma komandası iyulun 1-dən 7-dək Bosniya-Hersoqovinada keçiriləcək Avropa çempionatında iştirak edəcəkdir.
Yarışda ölkəmiz 15 idmançı ilə təmsil olunacaqdır.
Qeyd edək ki, Pekin Yay Olimpiadasında Azərbaycanın idman şərəfini qoruyacaq Ramil Qasımov (66 kq), Elnur Məmmədli (73 kq), Mehman Əzizov (81 kq), Elxan Məmmədli (90 kq), Mövlud Mirəliyev (100 kq) və Kifayət Qasımova (57 kq) hazırda Kislovodskda təlim-məşq toplantısındadırlar. İyulun 13-də vətənə dönəcək komanda avqustun 29-dan 5-dək Qazaxıstanda yekun təlim-məşq toplantılarına qatılacaqlar.
Bölmənin digər xəbərləri
