Dağ çaylarında suyun səviyyəsi qalxmışdır
Bakı, 28 mart (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, son günlər havanın temperaturunun yüksəlməsi və qarın tədricən əriməsi nəticəsində dağ çaylarında sululuq artmışdır.
Hazırda Böyük Qafqazın Balakən-Şəki bölgəsi çaylarında sululuq ongünlük normanın 170-200, Quba-Xaçmaz çaylarında 90-220, Lənkəran-Astara çaylarında 150-200, Kiçik Qafqazın çaylarında isə 90-135 faizini təşkil edir.
Kür çayının Qıraqkəsəmən məntəqəsində su sərfi saniyədə 283 kubmetr, Qanıx çayının Əyriçay məntəqəsində isə saniyədə 100 kubmetrdir. Surra məntəqəsində suyun səviyyəsi 640, Şirvanda 556, Salyanda 480, Bankədə 341santimetrdir.
Araz çayının Novruzlu məntəqəsində isə suyun səviyyəsi 353 santimetr təşkil edir.
Bölmənin digər xəbərləri
