Dağıstanında sudan kütləvi zəhərlənmədən sonra kommunal təsərrüfat rəhbəri həbs edilib
Moskva, 11 iyul, AZƏRTAC
Dağıstanın Məhərrəmkənd rayonunun “Kommunal təsərrüfat” bələdiyyə büdcə müəssisəsinin direktoru yerli sakinlərin keyfiyyətsiz su ilə kütləvi zəhərlənməsi faktı ilə bağlı həbs olunub.
AZƏRTAC xəbər verir ki, bu barədə Rusiya İstintaq Komitəsinin Dağıstan üzrə İstintaq İdarəsi məlumat yayıb.
Dağıstanın Səhiyyə Nazirliyinin məlumatına görə, bağırsaq infeksiyası əlamətləri ilə tibb müəssisələrinə 370-dən çox insan müraciət edib. “Rospotrebnadzor”un ilkin məlumatına əsasən, infeksiya su kəmərində baş vermiş iki qəza nəticəsində əhaliyə keyfiyyətsiz suyun verilməsi ilə əlaqədardır.
Faktla bağlı təhlükəsizliyin tələblərinə cavab verməyən xidmətlərin göstərilməsi maddəsi üzrə cinayət işi başlanıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
