DAİRƏ SEÇKİ KOMİSSİYALARINDA SEMİNAR-MƏŞĞƏLƏ KEÇİRİLMİŞDİR
AZƏRTAC-ın müxbiri xəbər verir ki, Mərkəzi Seçki Komissiyası bəzi bələdiyyələrə təkrar, əlavə, yeni və ilk dəfə keçiriləcək seçkilərə hazırlıqla əlaqədar 98 saylı Şəmkir şəhər, 99 saylı Şəmkir kənd və 100 saylı Şəmkir-Daşkəsən seçki dairələri dairə və məntəqə seçki komissiyalarının sədrləri, üzvləri üçün seminar-məşğələ təşkil etmişdir. Seminar-məşğələdə Mərkəzi Seçki Komissiyasının təşkilat şöbəsinin əməkdaşları Elnur Atayev və Sergey Sidorenko seçici siyahılarının hazırlanması, məntəqə seçki komissiyaları üzvlərinin vəzifələri, səsvermədə tələb olunan sənədlər, protokolların doldurulması qaydaları, müşahidəçilərə və kütləvi informasiya vasitələri nümayəndələrinə yaradılan şərait və s. məsələlərlə bağlı çıxışlar etmiş, suallara aydınlıq gətirmişlər.
X X X
Bələdiyyələrə təkrar, əlavə, yeni və ilk dəfə keçiriləcək seçkilərə hazırlıqla əlaqədar 102 saylı Samux-Şəmkir, 103 saylı Gədəbəy və 104 saylı Gədəbəy-Tovuz seçki dairələrində keçirilən seminar-məşğələlərdə də seçkilərin azad, demokratik və şəffaf keçirilməsi üçün dairə və məntəqə seçki komissiyaları sədrlərinə və üzvlərinə məsləhətlər verilmiş, qarşıya çıxa biləcək problemin həlli yolları barədə fikir mübadiləsi aparılmışdır.
Bölmənin digər xəbərləri
