Dekabrda SOCAR-ın Türkiyədəki “Star” zavodunda 792 min tondan çox neft tədarük olunub
Bakı, 1 mart, AZƏRTAC
SOCAR-ın Türkiyədə fəaliyyət göstərən “Star” neft emalı zavodunda 2022-ci ilin dekabrında 792 min 435 ton neft tədarük olunub. 2021-ci ilin müvafiq dövründə isə bu göstərici 907 min 761 ton olub (təqribən 12,7 azalma).
AZƏRTAC Türkiyənin Enerji Bazarını Tənzimləmə hesabatına əsasən xəbər verir ki, zavod qeyd olunan dövrdə oktan sayı 95 olan 42 tondan çox qurğuşunsuz benzin, 660 min 784 ton dizel, 22 min 183 ton aviasiya yanacağı, 14 min 978 ton aralıq məhsullar, 125 min 999 ton digər məhsullar, 7 min 720 ton ağır vakuumlu qazoyl, 13 min 198 ton maye karbohidrogen qazı, 135 min 843 ton neft, 70 min 335 ton neft koksu və 45 min 853 ton maye qaz istehsal edib.
Qeyd edək ki, investisiya dəyəri 6,3 milyard olan “Star” neft emalı zavodu 2018-ci ilin oktyabrında istismara verilib. Layihənin dəyərinin təqribən 3,3 milyard dolları kreditlərin hesabına qarşılanıb. Zavodun investisiyalarının ümumi həcminin 7 milyard dollar təşkil edəcəyi gözlənilir.
“Star” neft emalı zavodunun illik emal gücü təqribən 10 milyon ton təşkil edir. Zavod gündəlik 214 min barel xam neft emal etmək qabiliyyətinə malikdir.
Bölmənin digər xəbərləri
