Demokratlar Partiyasının şatdauna son qoymaq üçün irəli sürdüyü layihə səsvermədən keçməyib
Vaşinqton, 7 oktyabr, AZƏRTAC
ABŞ Senatında Demokratlar Partiyası tərəfindən şatdauna son qoymaq üçün irəli sürülmüş layihə səsvermədən keçməyib. AZƏRTAC-ın məlumatına görə, layihə 45 lehinə və 50 əleyhinə səs toplayıb. Bu, Senatda sentyabrın 19-dan bəri maliyyəni təsdiqləmək üzrə beşinci səsvermə idi. Bütün layihələr 60 səs baryerini keçə bilməyib.
Qanun layihəsi oktyabrın 31-dək hökuməti maliyyələşdirməyi nəzərdə tuturdu.
Hazırda Senatda Respublikaçılar Partiyası tərəfindən şatdauna son qoymaq üçün irəli sürülmüş layihə üzrə səsvermə keçirilir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
