Bakı, 19 sentyabr, AZƏRTAC

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin (DGK) sədri, gömrük xidməti general-leytenantı Şahin Bağırovun sentyabrın 29-na nəzərdə tutulmuş qəbulu sentyabrın 26-na keçirilib.

DGK-dan AZƏRTAC-a bildirilib ki, komitə sədri Şahin Bağırov sentyabrın 26-da saat 10:00-da Yevlax şəhərində Yevlax Gömrük Postunun inzibati binasında (ünvan: Yevlax şəhəri, Bakı prospekti 28) Yevlax və Mingəçevirdən olan vətəndaşları qəbul edəcək.

Görüş zamanı Yevlax və Mingəçevir şəhərlərinin sakinlərinin gömrük məsələləri ilə bağlı müraciətləri dinləniləcək.

Görüşdə iştirak etmək istəyən vətəndaşlar "195" Çağrı Mərkəzi ilə əlaqə saxlayaraq və ya komitənin rəsmi internet səhifəsinin "Müraciətlər" və "Virtual qəbul" bölmələrindən daxil olmaqla (https://customs.gov.az/az/muracietler/sedre-mektub/) qəbula yazıla bilərlər.