Respublika Gimnastika Federasiyasının mətbuat xidmətindən AZƏRTAC-a bildirmişlər ki, Azərbaycanın olimpiya yığma komandasının üzvü Dinarə Gimatova avqustun 4-dən Yunanıstanın Patra şəhərində təlim-məşq toplanışında iştirak edir. Ehtiyat gimnast kimi komandaya daxil edilmiş Anna Qurbanova da Patradadır. İdmançılarımız avqustun 12-də Rusiya, Yunanıstan və Qazaxıstan gimnastları ilə yoxlama məşqində iştirak etmişlər.

Avqustun 13-də Afinada XXVIII Olimpiya oyunlarının açılış mərasimində iştirak edəcək gimnastlarımız ertəsi gün Patraya qayıdaraq, avqustun 21-dək təlim-məşq toplanışını davam etdirəcəklər.

Olimpiadada bədii gimnastika yarışları avqustun 26-da başlanacaqdır.